იცი როგორ შეარჩიო განათების ფერი სწორად?

LED განათების ფერის ტემპერატურა 2300K-დან  6000K-მდე მერყეობს. K -  კელვინი ტემპერატურის საზომი ერთეულია მისი სწორად შერჩევით კი ზუსტად ის ატმოსფერო იქმნება როგორიც ჩაფიქრებული გაქვთ.

განვიხილოთ სათითაოდ:

2300K – ქარვისფერი - ყველაზე თბილი ფერი, განსაკუთრებულად კარგად მუშაობს მუქ ტონებში გადაწყვეტილ ავეჯთან. 

2700K – თბილი თეთრი - ფორთოხლისფერი ყვითელი, რაც სიმყუდროვის შეგრძნებას ბადებს, თავსებადია ხის ავეჯთან. 

3000K - რბილი თეთრი - კარგი არჩევანია სახლისთვის, სასიამოვნო გარემოს ქმნის სასადილო ზონაში, უმეტესად გამოიყენება კაფეში, რესტორანში, ლაუნჯსა და ბარში. 

4000K - დღის სინათლე - განკუთვნილია ნათელ ფერებში გადაწყვეტილი ავეჯის და მინიმალისტური დეკორის გასანათებლად. უმეტესად გამოიყენება ოფისში, სკოლაში, ფარეხში. 

5000K - კრისტალური თეთრი - მკვეთრი ლურჯ-თეთრი ფერის განათება გარე განათებისთვის გამოიყენება ისეთ დაწესებულებებში როგორებიცაა ქარხნები და საავადმყოფოები. 

6000K - ულტრა-კაშკაშა მოლურჯო შეფერილობის LED განათება განკუთვნილია დიდი კომერციული და ინდუსტრიული დაწესებულებებისთვის.