სამი ხვრელი შენობაში - განსაკუთებული სასტუმროს არქიტექტურა ჩინეთში

მსოფლიოს ერთ-ერთი გამორჩეული შენობა ჩინეთში მდებარე „მორფეუსია“. ესაა არქიტექტორ ზაჰა ჰადიდის ნამუშევარი, რომელიც ექსტერიერში წარმოდგენილი 3 ხვრელითაა გამორჩეული. სასტუმრო 2018 წლის 15 ივნისიდან ფუნქციონირებს.

შენობის დიზაინი განსაკუთრებული იმითაა, რომ ის ტრადიციულ არქიტექტურულ ტიპოლოგიას სცდება. მაკაუ, სადაც ეს სასტუმრო მდებარეობს ერთ-ერთი გამორჩეული ქალაქია მსგავსი განსხვავებული არქიტექტურით.

ზაჰა ჰადიდმა ამ პროექტზე მუშაობა 2012 წელს დაიწყო. შენობა 40 სართულისგან შედგება და ორი ცალ-ცალკე არსებული სივრცეა წარმოდგენილი, რომელიც ერთმანეთს პოდიუმით უკავშირდება და შენობის ბოლოს, სახურავთან ერთიანდება.

შენობის შიდა მხრიდან მთლიანად მეტალის კონსტრუქციაა, რომელიც მინას გარს აკრავს. ეს შიდა სივრცეს ინტერიერს განსაკუთრებულად ეფექტურს ხდის. შემინვა რომელიც მთლიან შენობას გარს აკრავს მაქსიმალურად იცავს მზის სიმხურვალისგან.

შენობაში 12 მინის ლიფტია, რომლის ხედი სასტუმროს გასაოცარ ინტერიერზე იშლება.

კუთხეში მდებარე ლუქსებიდან ხედი იშლება როგორც შენობის შიდა ატრიუმზე ისე ქალაქზე. ნომრების უმეტესობის ხედი ქალაქზეა. ჯამში სულ 770 ნომერია, შენობის ბოლო სართულზე კი სპა და აუზია განთავსებული.