სტუდიოს ტიპის ბინის ინტერიერის დიზაინი

• მდებარეობა - საქართველო; თბილისი
• ფართობი - 66.63 მ2 [აივნების გარეშე]
• წელი - 2020-2021
• დამკვეთი - ახალგაზრდა ქალი
• პროექტის ავტორი - ნიკა ბანეთიშვილი

"ჭარბად გამოყენებული შავი სარკეები როგორც ტელეფონების, ტელევიზორებისა და სხვა გაჯეტების ჩამქრალი ეკრანის იმიტაცია ერთგვარი განაცხადია ყოველდღიურობად გადაქცეული ურბანული ქაოსისა და ტექნოლოგიების ადამიანთან წონასწორობაში მოსაყვანად. "

ARCHENOME -ის მიერ ფართის შესწავლის შემდეგ დამკვეთთან ინტერვიუებზე დაყრდნობით მომზადდა ინდივიდუალურად მასზე მორგებული ინტერიერის დიზაინის პროექტი.

სტილი - დამკვეთს სურდა შავი ფერისა და ბრუტალური ელემენტების ჭარბად გამოყენება. შესაბამისად დიზაინი გადაწყდა რამდენიმე მონათესავე სტილის კომბინაციით - მინიმალიზმის, ლოფტისა და მოდერნის ელემენტებით. ინტერიერის მკაცრი და ცივი განწყობის განეიტრალება ვცადეთ ღია ფერის ავეჯის და ხის ფაქტურის შტრიხების შემოტანით.

მთავარი გამოწვევა - მისაღების ცენტრში მდებარე კონსტრუქციული ელემენტებია. კოლონას დამატებითი ფუნქცია შევძინეთ და შავი სარკით შევფუთეთ. ხოლო ჭერში რიგელი ჭერის დიზაინის ელემენტად ვაქციეთ.

განსაკუთრებული დეტალები - დამკვეთის ჰობის გათვალისწინებით შევქმენით სივრცე დიჯეინგისთვის, რომელიც სასმელების თაროებთან არის კომბინირებული. ასევე თვალში საცემი დეტალია აბაზანა, რომელიც საძინებელშია განთავსებული და კიდევ უფრო მეტ ვიზუალურ ეფექტს და კომფორტს უქმნის დამკვეთს.