• მდებარეობა: საქართველო, თბილისი, ევროპის უნივერსიტეტი
• ფართი:  60მ2 [დიზაინი] / 185მ2 [გეგმარება]
• წელი: 2023
• პროექტის ავტორები: ნიკა ბანეთიშვილი
• სტილი: მინიმალიზმი, მოდერნი

პროექტის ფილოსოფია – ჩვენ საპროექტოს უკვე რამდენიმე სტომატოლოგიურ კლინიკაზე მუშაობის გამოცდილება დაუგროვდა. ეს კლინიკები ერთმანეთისგან განსხვავდებოდა ფართით, სპეციფიკითა და საპროექტო სამუშაოებში ჩვენი ჩართულობის დოზით. მოცემულ კლინიკას განასხვავებს და განსაკუთრებულად აქცევს ერთი მნიშვნელოვანი ფაქტორი. ის სასწავლო დაწესებულების ევროპის უნივერსიტეტის სამედიცინო კორპუსის ნაწილია და კლინიკურთან ერთად სასწავლო დანიშნულების არის.

ამ პროექტის მთავარი ფილოსოფია მდგომარობს იმაში, რომ ერთდროულად შეგვექმნა სასწავლო დაწესებულებაზე მორგებული, დიზაინერულად დახვეწილი და ამავდროულად ტექნოლოგიურად სრულად გამართული კლინიკური სივრცე, სადაც სტუდენტები, გადადგმული პირველი ნაბიჯებით ცოდნას ეზიარებიან სტანდარტების, სახელმწიფო დადგენილებებისა და ერგონომიული ნორმების დაცვით დაპროექტებულ სივრცეში, შემდეგ კი ამ გამოცდილებას გაავრცელებენ არა მხოლოდ საქართველოში, არამედ საზღვრებს გარეთაც, რადგან ამ სასწავლებლის სტუდენტების დიდი ნაწილი მსოფლიოს სხვდასხვა ქვეყნიდან არიან ჩამოსულები განათლების მისაღებად.

მთავარი გამოწვევა - მოცემულ პროექტზე მუშაობისას მთავარი გამოწვევა იყო არსებული კონტექსტი. კლინიკა უნდა მოწყობილიყო ბიბლიოთეკის ფართში, ტექნოლოგიურად კი ეს ორი სრულიად სხვდასხვა გარემოს წარმოადგენს. ამასთან სასურველმა ბორმანქანებისა და კლინიკის ფუნქციონირებისათვის საჭირო სათავსების ფართების რაოდენობამ, რომლებიც გასათვალისწინებელი იყო სახელმწიფო სტანდარტების დაცვით, მნიშვნელოვნად გადააჭარბა არსებულ ფართს. მოხდა მნიშვნელოვანი გაანგარიშებები, ნაწილი და შესაძლო ფუნქციების კლინიკის გარეთ გატანა, ხოლო არსებულ ფართში მაქსიმალურად შესაძლებლობის ფარგლებში თითოეული სანტიმეტრის ათვისება.