• დანიშნულება: საცხოვრებელი ბინა;
• მდებარეობა: საქართველო, Tbilisi Gerdens საცხოვრებელი კომპლექსი;
• ფართი: 106 მ2;
• წელი: 2023-2024;
• ეტაპი: რემონტის პროცესში;
• პროექტის ავტორები: ნიკა ბანეთიშვილი, სოფიო მამარდაშვილი.

პროექტის ფილოსოფია - ბალანსი ეს არის ის უმნიშვნელოვანესი კრედო, რომელსაც განსაკუთრებული ადგილი და ფუნქცია უკავია ჩვენ შემოქმედებით პროცესში. ბალანსირებისას კონტრასტები და დოზირება ვფიქრობთ იძლევა ენით აღუწერელ შესაძლებლობას, რამაც შესაძლოა აქციოს ჩვენი პროექტები და ხელწერა განსაკუთრებულად.

ინტერიერში ბალანსი ქმნის სიმფონიას თვალისა და ცხოვრებისთვის. დაუღალავი შრომა, მრავალფეროვნებისკენ ლტოლვა, გამუდმებული ძიების პროცესი საკუთარ თავსა და პროექტში მიმართულია იმ განსაკუთრებული სიმფონიის შექმნისკენ, რომელიც ჩვენთვის უმნიშვნელოვანესი ფიგურისთვის, ადამიანისთვის შექმნის ინდივიდუალურ ობიექტებითა და ობიექტებს შორის სივრცეებით დაბალანსებულ სიმფონიას.

შესავალი რითაც დაიწყო ამ ამბის თხრობა არის მოსამზადებელი წინაპირობა, ვფიქრობთ ყველა მკითხველმა თუ მნახველმა უნდა იცოდეს ამ პროექტის მთავარი შთაგონების წყაროს შესახებ.

ვინაიდან ჩვენთვის ყველა პროექტი განსაკუთრებულია და ყოველთვის ვახერხებთ არავერბალური კომუნიკაციის დამყარებას, ამ პროექტში მნიშვნელოვანი როლი ითამაშა მისმა მდებარეობამ. 

მოცემული აპარტამენტი მდებარეობს თბილისი გარდენსის კომპლექსში რიგით მეორე ცათამბჯენში მაღალ სართულზე. ფართი რამდენადაც ახლოს არის კომპლექსისთვის დამახასიათებელ სიმწვანესთან, იმდენად შორს არის მაღალი სართულის გამო. სწორედ ამან განაპირობა ინტერიერის აქცენტურ ფერად მწვანე ფერის შერჩევა. მწვანე ფერი ტექსტილითა და მცენარეების სახით შემოვიდა ინტერიერში, ხოლო მასთან შეხამებული საჰარისებური კერამიკული ფილების ზედაპირების და სტრუქტურის კონტრასტულობით განსაკუთრებული მცდელობა არ დავიშურეთ ბალანსის მისაღებად. ბინა არ არის გათვლილი მუდმივი ცხოვრებისათვის. ის ძირითადად დროებით სამყოფელს წარმოადგენს, შესაბამისად, ფერებისა და მასალების შერჩევის პროცესში ამ ფაქტმა განსაკუთრებული როლი ითამაშა.

შევეცადეთ სივრცე ზედმეტი ძალისხმევის საჭიროებისგან დაცლილი ყოფილიყო, მარტივად მოსავლელი მასალებისა და ფერების წყალობით ყოველი მასთან კომუნიკაცია გავამარტივეთ. ხოლო ბუნებრივი მასალებისა და ფერების წყალობით ის მდიდრული თუ მყუდრო აურა ჩამოვაყალიბეთ რაც მასში ცხოვრებისას განტვირთვისა და კონცენტრაციის საშუალებას შექმნიდა.